నెత్తి మీద నీలి తెర చినిగిపోతోంది
కాలి కింది ధూళి పొర ఎగిరిపోతుంది
నీరదాలు తేలలేక కూలిపోతున్నాయి
సాగరాలు ఎగిరెగిరి మీదికొస్తున్నాయి
హరిత వనాల ప్లాస్టిక్ పూలు
ఆమ్లజని మంచు తెరలు
జన్యుమార్పిడి సంకర విత్తనాలు
మానవ జాతి శాపాలు సూక్ష్మ రాకాసులు
హిమగిరులు విశ్వంభర అశ్రుధారులవుతున్నాయి
మర్త్యుడు ధూర్తుడువుతున్నాడు, విపుల విలపిస్తోంది!
ప్రపంచపదులు
---CiNeRe
కొమ్మపైనే నిలిచి నింగిని కొల్లగొట్టే కోరిక
ఒడ్డు పైనే నిలిచి కడలిని ఒడిసిపట్టే కోరిక
ఓరి మనిషీ నువ్వు మూరెడు; కోరికేమో బారెడు
మూట విప్పక దాతగా తెగ మోగిపోయే కోరిక
త్యాగమంటక నేతగా ఊరేగిపోయే కోరిక
సముద్రానికి చమురు పూస్తే జిడ్డు పడుతుందా
హిమనగానికి బొగ్గు పూస్తే నల్లబడుతుందా
మధ్యాక్కర(పంచపాది)
విపుల, విశ్వ, విశ్వంభర, విశ్వగంధ, విశ్వధారిణి, విశ్వము, విశ్వమేఖల, విశ్వసహ
No comments:
Post a Comment